გემრიელობები დააგემოვნეს და კარგადაც იმხიარულეს! „მაკდონალდს“- მა დღესასწაული მოუწყო ჩვენს ანგელოზებს!

 ოცნებები ხდება!!! მაკდონალდსის გუნდმა ჩერნოვეცკის საქველმოქმედო ფონდის ბენეფიციარ ბავშვებს ჯადოსნური საახალწლო განწყობა აჩუქა. შეჭირვებული მრავალშვილიანი ოჯახებიდან 20-მა ბავშვმა მონაწილეობა მიიღო სხვადასხვა გასართობ ღონისძიებაში და რაც მთავარია, დააგემოვნეს საოცნებო ბურგერის მენიუ.

ამ ბავშვებმა მაკდონალდსის „ჰეფი მილი“ პირველად დააგემოვნეს

”ბევრი ვიცეკვეთ, ბევრი ვითამაშეთ და ბევრი დავხატეთ - ჯადოსნური დღე იყო”

„ღმერთო-ო-ო-ო, რა გემრიელია!"

ბიჭიკო (8 წლის): მხოლოდ ერთხელ ვიყავი ნამყოფი „მაკდონალდს“-ში. იმ დღიდან ვოცნებობდი, გემრიელი ბურგერები ისევ რომ მეჭამა. მაგრამ, დედას არაფერს ვეუბნებოდი, ჩემს გარდა, კიდევ რვა და-ძმა გვყავს ოჯახში და ვიცოდი, რომ ბურგერებს ყველას ვერ უყიდიდა. როდესაც დედამ მითხრა, რომ „მაკდონალდსი“ ბავშვებს გვეპატიჟებოდა, სიხარულისგან ვკიოდი!!! ვაშა!! დღეს უკვე აქ ვარ და ზუსტად ვიცი, რომ კეთილი ადამიანები სურვილებს ნამდვილად ასრულებენ. რომ გავიზრდები, ბავშვებს აუცილებლად გავახარებ. ვეცდები, ისეთივე ბედნიერები იყვნენ, როგორიც ახლა ჩვენ ვართ.

ბავშვების გახარება ძალიან მარტივია 

ბედნიერებისგან თვალები უბრწყინავს! ბავშვები მადლობას გეუბნებიან!

თუ გსურთ, ჩვენს ყველაზე ნორჩ ბენეფიციარებს დღესასწაული რომ მოუწყოთ, არ გადადოთ. ჩვენი ფონდის ანგარიშებია:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

 (დანიშნულება: საბავშვო დღესასწაული)