გვერწმუნეთ, ასეთ სიღარიბეს ფილმებშიც კი ვერ ნახავთ. ჩვენ დაგვიწერია უმძიმეს ვითარებაში მცხოვრები მრავალშვილიანი ოჯახების, განუკურნებელი სენით დაავადებული ახალგაზრდების, შეზღუდული შესაძლებლობების მქონე ბავშვების შესახებ... მაგრამ კაპანაძეების ოჯახის ისტორია -  ეს ნამდვილი კატასტროფაა! 

ოთხი მცირეწლოვანი ბავშვი და საწოლს მიჯაჭვული მამა ნახევრად დანგრეულ ბოსელში ცხოვრობენ...მათ ირგვლივ გამეფებულია სიცივე, შიმშილი, სიბნელე და შიში.  ირმა, ოჯახის დედა, წელებზე ფეხებს იდგამს, რათა შვილებსა და სნეულ მეუღლეს არ მოაკლდეს ზრუნვა... მაგრამ, როდესაც საცხოვრებელში ტემპერატურა ნულს ქვემოთ ეცემა, ხოლო პურის საყიდელი ფული შემოელევა, ახალგაზრდას ქალს სასოწარკვეთა მოიცავს და უსუსურობის მწარე განცდა ახრჩობს.

   „უფალს მხოლოდ ერთ რამეს შევთხოვ - ჩემი მეუღლის გიორგის გამოჯანმრთელებას, - ამბობს ირმა. გული მიკვდება, როდესაც მის ნაღვლიან თვალებს ვუყურებ, რომლებიც თითქოს პატიებას ითხოვენ იმ ჯოჯოხეთის გამო, რომელშიც აღმოჩნდა  ჩვენი ოჯახი“. 

3 წლის წინ, გიორგი ავარიაში მოყვა და სასწაულად გადაურჩა სიკვდილს, თუმცა მას შემდეგ სიარული არ შეუძლია, ფეხები პარალიზებული აქვს, ხოლო გაუსაძლისი ტკივილები დღემდე აწუხებს. უფრო მეტიც, რაც დრო გადის, მისი მდგომარეობა უარესდება. კრუნჩხვები ხშირად ღამით ემართება, მამის კვნესაზე ბავშვები იღვიძებენ, წამოხტებიან საწოლიდან, ეალერსებიან და ცდილობენ მის დამშვიდებას.

ამ წლების განმავლობაში კაპანაძეების ოჯახის კარ-მიდამო სრულიად გაპარტახდა, დამხმარე ძალა არსაიდან ჩანს, ირგვლივ სუფევს ქაოსი, სიღარიბე და...გამოუვალი უმძიმესი მდგომარეობა. 

ბავშვები (უფროსი ათი წლისაა, ხოლო უმცროსი  - ექვსის), იზრდებიან „სახლში“, სადაც არ არის წყალგაყვანილობა, იატაკის ნაცვლად ცემენტის საფარია, დაობებული კედლები ყარს, ნაგავი მიმოფანტულია მთელს ეზოში, ჭერის ნაპრალებში მორიელი ბუდობს, ხოლო დაჟანგული რკინის საწოლები, უკვე სახიფათოა ჯანმრთელობისთვის...დიახ, მათი ბავშვობა ასეთ გაუსაძლის პირობებში  ვითარდება, ეს არ არის ცხოვრება, ეს, უბრალოდ,  საცოდავი არსებობაა.

რა უნდა გააკეთოს დედამ, რომლის ცხოვრება უცებ 180 გრადუსით შეტრიალდა? რა უნდა მოიმოქმედოს ახალგაზრდა ქალმა, რომლის მეუღლე შრომისუუნარო გახდა, ხოლო 4 შვილი საჭიროებს საჭმელს, ჩასაცმელს, სითბოს  და მოვლა-პატრონობას? შესძლებს მარტო გაუმკლავდეს ამ უმძიმეს ვითარებას? 

„უფალს შევთხოვ, რომ ჩემი შვილები არასდროს გახდნენ ავად, რომ მათაც იცოდნენ თუ რა არის ეს ტკბილი სიტყვა „ბავშვობა“, მათ ხომ გაჭირვების მეტი არაფერი აქვთ ნანახი...თუმცა მე არ ვკარგავ იმედს, რომ კეთილი ადამიანების დახმარებით ჩვენ შევძლებთ გადავლახოთ ეს ურთულესი პერიოდი და გამოვიდეთ სიღარიბის მარწუხებიდან“,- ამბობს ირმა და ვერ იკავებს ცრემლებს... 

დიახ,  ნამდვილად რთული წარმოსადგენია, რომ ჩვენს დროში, თბილისიდან 1 საათის სავალზე, სოფელ კარბში ცხოვრობს ოჯახი, რომელიც სიღარიბის ფსკერზე იმყოფება, რომლის იქით უკვე ...„არაფერია“. 

კაპანაძეების ოჯახი საჭიროებს ფაქტიურად ყველაფერს! მეგობრებო, თუ გაქვთ შესაძლებლობა დაეხმაროთ მათ უმძიმესი მდგომარეობიდა გამოსვლაში, თანხა შეგიძლიათ გადარიცხოთ ჩვენი ფონდის ანგარიშზე GE15TB7194336080100003 ან  GE64BG0000000470458000 (დანიშნულება: კაპანაძეების ოჯახი) ან ჩარიცხოთ პირდაპირ ჩვენი საიტიდან   https://chernovetskyifund.ge/ge/projects

თქვენ, ასევე, შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთ ჩვენი ფონდი (გადახდის წესები იხილეთ შემდეგ მისამართზე: https://goo. gl/GY2Gus). 

სიკეთე სიტყვებში ქმნის რწმენას. სიკეთე აზრებში ქმნის სიღრმეს. სიკეთე ცხოვრებაში ქმნის სიყვარულს!