განგებამ ამ ბავშვებს მძიმე ხვედრი არგუნა. ისინი შიმშილის ზღვარზე იმყოფებიან და გაუსაძლის პიროებში ცხოვრობენ. მამამ ისინი მიატოვა, თუმცა დედა ძალღონეს არ იშურებს, რომ პატარებს არ მოაკლდეს საკვები და ტანსაცმელი, მაგრამ ახალგაზრდა ქალი უძლურია მატერიალური სიდუხჭირის წინაშე და შველას ითხოვს!

 რას აკეთებს ამ დროს ადგილობრივი ხელისუფლება ან მაჟორიტარი დეპუტატი, რომელიც წინასაარჩევნო კამპანიის დროს ხალხს ჰპირდებოდა ამომრჩეველთა კეთილდღეობაზე ზრუნვას?! 

ჩვენ ვესაუბრეთ ამ ბავშვების დედას - ნინო ბექიშვილს და ვთხოვეთ გაეზიარებინა მისი მრავალშვილიანი ოჯახის სატკივარი: 

- მოგვიყევით თქვენი ოჯახის შესახებ, როგორ აღმოჩნდით ასეთ სავალალო მდგომარეობაში? 

-ნინო: ქმარმა 2 წლის წინ მიგვატოვა და მას შემდეგ არც გამოჩენილა. ძალიან მიჭირს ბავშვების მოვლა, ვერ ვუმკლავდები უამრავ პრობლემას. ხშირად საჭმელი არ გვყოფნის, ხანდახან კი  - ვშიმშილობთ. ბავშვებს არ აქვთ განვითარების ნორმალური პირობები და გული მიკვდება, როდესაც მათ მომავალზე ვფიქრობ. 

-როგორია თქვენი შემოსავალი? 

       ნინო: სოციალურ შემწეობას ვიღებთ, რომელსაც  პროდუქტებზე  ვხარჯავთ. ამას ემატება კომუნალური გადასახადები და რაიმე საჭირო ნივთის საყიდლად ფული არ გვრჩება. მაგალითად, ბავშვები ერთ საწოლზე წვანან. ჩვენ არც ტელევიზორი გვაქვს და არც მაცივარი, არც გამათბობელი და არც თეთრეული. 

    - სახლი, სადაც თქვენ ცხოვრობთ, თქვენი საკუთარია? 

    ნინო: ამ ნახევრად დაუმთავრებელ სახლში ჩვენი მხოლოდ 2 ოთახია. აქ საშინელი საცხოვრებელი პირობებია: ირგვლივ ნესტის სუნი დგას, სახურავიდან წვიმა ჩამოდის, კედლებზე ობი გაჩნდა... 

     -დახმარებისთვის მიმართეთ ხელისუფლებას ან თქვენი საარჩევნო ოლქის დეპუტატს?

     ნინო: გამგეობას მივმართე და მივაღწიე იმას, რომ წელიწადში 4-ჯერ 200 ლარს მაძლევენ ფინანსურ დახმარებას. სარეცხი მანქანა სოციალური მომსახურების სააგენტომ შეისყიდა ჩვენთვის... რაც შეეხება დეპუტატს, მისთვის არ მიმიმართავს თხოვნით. რა, განა შეიძლება? 

    - რა თქმა უნდა. დეპუტატი ვალდებულია, რომ იზრუნოს ამომრჩეველთა კეთილდღეობაზე. 

     -ნინო, რაზე ოცნებობთ?

        ნინო: მე ვოცნებობ ჩემი შვილების კარგად ყოფნაზე! ღმერთს ვეხვეწები, რომ გავუძლოთ ამ სიდუხჭირეს და ჩვენც გვქონდეს ნორმალური ცხოვრება! 

       -ბავშვებო, თქვენ რაზე ოცნებობთ?

       სალომე (10 წლის) : მე ვოცნებობ, რომ ჩვენ არ ვიყოთ მშივრებო, რომ პატარა ძამიკომ არ იავადმყოფოს... კიდევ ლამაზ კაბაზე ვოცნებობ. 

     თაკო (8 წლის): მეც ვოცნებობ ლამაზ კაბაზე და ახალ ფეხსაცმელზე. კიდევ ვოცნებობ, რომ ბაჭია დაგვიბრუნდეს, რომელიც ამასწინათ მოგვპარეს...

    საბა ( 3 წლის) : მე ნაყინზე ვოცნებობ, ძალიან მიყვარს... 

    მეგობრებო, ნინო ბექიშვილის ოჯახს ჩვენი თანადგომა ესაჭიროება. მოდით, გულთან ახლოს მივიტანოთ მათი პრობლემები და გავუწოდოთ დახმარების ხელი! ისინი საჭიროებენ საკვებ პროდუქტებს, მედიკამენტებს, ავეჯს, საწოლს, მაცივარს, ტელევიზორს, ტანსაცმელსა და სათამაშოებს. 

    მოინახულეთ ეს ოჯახი, დაეხმარეთ შეძლებისდაგვარად. თუ გსურთ დახმარება და დრო არ გაქვთ, რომ  მოინახულოთ, შეგიძლიათ დახმარების თანხა გადარიცხოთ ჩვენი ფონდის ანგარიშზე GE15TB7194336080100003 ან  GE64BG0000000470458000 (დანიშნულება: ბექიშვილის ოჯახი). თანხის გადარიცხვა შეგიძლიათ ჩვენი საიტიდანაც

თქვენ, ასევე, შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთ ჩვენი ფონდი (ფონდის დამატებით უფლებებს და მოვალეობებს გაეცანით ბმულზე https://goo.gl/GY2Gus).

კეთილი ადამიანი ეს იგივეა, რაც სინათლე გვირაბის ბოლოს!