ზოგჯერ ისე ხდება, რომ ბედი ზურგს გაქცევს. ყველაზე საშინელი კი ისაა, როცა პატარა ხარ და ვერც ხვდები, რატომ შეიცვალა შენი ლაღი და ბედნიერი ცხოვრება... რატომ ტირის დედა, რატომ გახვევიან თავს უამრავი ექიმები.

ნანატრი ვაჟი მამუკა ჯანმრთელი დაიბადა. არაფერი აწუხებდა და ოჯახი ბედნიერად ცხოვრობდა. მაგრამ ერთ საბედისწერო დღეს ის ავად გახდა. უბრალო გაციება ეგონათ, მაგრამ მენინგიტი აღმოჩნდა. 3 წლის მამუკას გულყრები დაეწყო. საავადმყოფომდე ძლივს მიაღწიეს. ექიმებმა სასწაულებრივ შეუნარჩუნეს მამუკას სიცოცხლე!

ექიმების მიერ დასმული დიაგნოზი განაჩენივით ჟღერდა: „თქვენს ბავშვს თავის ტვინის ქერქი აქვს დაზიანებული, და ახლა თუ გადარჩა, დიდხანს ვერ გასტანს და აღარასოდეს იქნება ისეთი, როგორიც იყო“ – მაგრამ დედისთვის სულ ერთი იყო, როგორი იქნებოდა მამუკა, მთავარია იგი დიდი ხანი ჰყოლოდა გვერდით!

მამა, შვილის ავადმყოფობის შემდეგ მალევე გარდაიცვალა, ნერვიულობას გადაყვა. ქალბატონ ლალის – მამუკას დედას, სამსახურისთვის თავის დანებება მოუხდა და მთელი თავისი დრო და ენერგია შვილის მოვლას შეალია!  უკვე 27 წელია მას როგორც ჩვილს ისე უვლის. ახლა მამუკა 30 წლისაა, მაგრამ დამოუკიდებლად ვერაფერს აკეთებს: ვერც ჭამს, არც წამოჯდომა შეუძლია... მხოლოდ ტირის, როდესაც რამე აწუხებს და დედას საშველად ეძახის!

- ლალი, გეხმარებათ ვინმე?

- მეუღლე მეხმარებოდა სანამ ცოცხალი იყო, ერთმანეთს ვცვლიდით. მაგრამ მისი გარდაცვალების შემდეგ მარტო დავრჩი. მთელი ჩემი ცხოვრება მამუკას მივუძღვენი!

- ალბათ დროთა განმავლობაში მდგომარეობა უფრო მძიმდება.

- სამწუხაროდ ასეა, მეც წლები მემატება, და მამუკას მოვლა დღითიდღე მიმძიმს. ვერაფერს აკეთებს თვითონ. მხოლოდ  ყვირის როცა რამე სტკივა. მის მძიმე მდგომარეობას კუჭის წყლულიც დაერთო. მისი კბილებიც საშინელ დღეშია. ტკივილისგან ისე აღრჭიალებს, ემტვრევა.

- ძალიან მძიმეა ასეთი მძიმე ავადმყოფის მოვლა, როგორ უმკლავდებით?

- ყველაფერი გავყიდე, ჭურჭელი, ტექნიკა, რაც კი გამაჩნდა... ერთადერთი შემოსავალი მიზერული პენსია და სოციალური შემწეობაა. წამლებზე არ გვყოფნის, და არც საკვებზე.

- ჩვენს მკითხველს რას ეტყოდით?

- ალბათ ეგოისტი ვარ, ერთადერთი თხოვნა მაქვს, რომ მამუკას სიცოცხლის გახანგრძლივებაში დამეხმაროთ. მის გარეშე მე ვერ ვიცოცხლებ... დამეხმარეთ, რომ წამლები მაინც არ მოაკლდეს და პამპერსებით იყოს უზრუნველყოფილი. მას გამოკვლევებიც სჭირდება. ნემსსაც ვეღარ ვუკეთებ სულ გალეულია ჩემი საწყალი შვილი... რბილი ადგილი აღარ შერჩა ტანზე... რომ ვაცმევ და ვხდი, მეშინია ხელი არ მოვტეხო.

რა შეგვიძლია ამ დედა-შვილისთვის გავაკეთოთ? როგორ დავუდგეთ გვერდში? ჩერნოვეცკის ფონდი იწყებს ბრძოლას მამუკას გადარჩენისთვის. ნებისმიერი სახის დახმარებას მისთვის სასიცოცხლო მნიშვნელობა ექნება!

-----------------------------------------------

ჩერნოვეცკის ფონდი იწყებს აქციას მამუკა კოპლატაძის დასახმარებლად. მათი უყურადღებოდ დატოვება - ეს დანაშაულია ღმერთის წინაშე. მათ ყველაზე მეტად გამოკლვევები, მედიკამენტები, ჰიგიენური საშუალებები და ნაწოლების საწინაარმდეგო ლეიბი სჭირდებათ.

დაურეკეთ მარინას, უთხარით, რომ მარტო არ არის! უთხარით, რომ ჩვენი იმედი შეუძლია ჰქონდეს! ეს ძალიან მნიშვნელოვანია.

ტელ: 593 19 21 65 მისამართი: თბილისი, გაბრიელ სალოსის N5. მე-6 კორპუსი, ბინა 70.

გაუზიარეთ ეს ისტორია თქვენს მეგობრებს, გვინდა, რომ რაც შეიძლება მეტი ადამიანი გახდეს ამ დედა-შვილის მეგობარი!

თუ გაქვთ ინფორმაცია მათ შესახებ, ვისაც დახმარება სჭირდება, მოგვწერეთ მათ შესახებ ფონდში: office-fsp@fsp.ge.

თანხა შეგიძლიათ ჩარიცხოთ ანგარიშზე:

#GE15TB7194336080100003,

#GE42LB0115113036665000,

#GE64BG0000000470458000

(დანიშნულება: მამუკა კოპლატაძე)

საიტიდან:

სწრაფი გადახდის ტერმინალებიდან:

Nova Technology

TBCpay

ExpressPay

 ქველმოქმედების განყოფილებაში იპოვეთ „ჩერნოვეცკის ფონდი“

(ფონდის დამატებით უფლებებს და მოვალეობებს გაეცანით ლინკზე https://goo.gl/GY2Gus)

გამორიცხულია, ამ ისტორიამ ნორმალურ ადამიანში თანაგრძნობა არ გამოიწვიოს. ეს ამბავი კიდევ ერთი შეხსენებაა, რომ არიან ადამიანები, ვინც გადაუჭრელი პრობლემების წინაშე დგანან. რომლებიც ჩვენზე მეტად იტანჯებიან და ჩვენზე სუსტები არიან ხოლო ჩვენი მხრიდან ნებისმიერი სახის დახმარებას მათთვის სასიცოცხლო მნიშვნელობა ექნება!