ალბათ, ლიზის, ლინდას და სოფიას ცხოვრებაში არასდროს ენახათ ამდენი ტკბილეული. ჯერ ლაპარაკი არ იციან, მაგრამ მათი აღტაცებული შეძახილები და ჟესტები იოლად მიგვახვედრებს, რამდენად ბედნიერები არიან!

ამ ფოტოზე, ლინდა გვაჩვენებს, რამდენი „პეჩენია“ შეუძლია შეჭამოს ერთ ჯერზე

ციცქნა სოფიამ კი, „ბუბლიკის“ ყველაზე დიდი ყუთი ჩაიგდო ხელთ. აბა, ვინ გაბედავს მისვლას და წართმევას?

ლიზის კი, ფერადი „პეჩენიები“ მოეწონა. მულტფილმიდან გეგონება!

         ბავშებისთვის, რომლებიც ცხოვრობენ უკიდურეს გაჭირვებაში, რომლებსაც კანფეტი არასდროს გაუსინჯავთ, სიკეთის ნებისმიერი გამოხატულება არის გზა უკეთესი მომავლისკენ.

თეონა: დამთხვევაა თუ არა, არ ვიცი (რაც გინდათ ის უწოდეთ), მაგრამ როდესაც თქვენ მოხვედით და დაგვპირდით დახმარებას, მეორე დღეს გავიგეთ, რომ ჩვენს ოჯახს  დიდი სიხარული ეწვევა - ჩვენს გოგონებს ძამიკო ეყოლებათ!

        - რას ამბობთ?! შესანიშნავი ამბავია! როდის ელოდებით პატარას?

         თეონა: თებერვალში საკეისრო კვეთა უნდა გამიკეთონ. უკვე სახელიც მოვიფიქრეთ. მეუღლეს უნდა, რომ მამამისის პატივსაცემად დაარქვას, გვარის გამგრძელებელი გვეყოლება - ტარიელ ბზეკალავა. სამი გოგოს შემდეგ, რა თქმა უნდა, ბიჭი ძალიან გაგვიხარდა - მათი დამცველი.

თეონა: არ თქვათ! მაგრამ ახლა, მინდა მადლობა გადაგიხადოთ იმ საჩუქრებისთვის, რომელიც მოგვიტანეთ! მაცივარმა და ღუმელმა ცხოვრება შემიმსუბუქა. ამდენი ტკბილეულის დანახვისას კი, გოგონები სიხარულისგან ჭკუიდან შეიშალნენ! ისიც კი ვიფიქრე, რომ ამდენი გემრიელობები  სრულწლოვანებამდე ეყოფათ.

 „ჩვენს სახლში, ყველაზე ლამაზი ნივთია მაცივარი“

         - ვინმე თუ მოვიდა მათ გასაცნობად?

         თეონა: არა, მაგრამ ეს ხომ არ არის მთავარი?! ძალიან გვიხარია, რომ გამოგვეხმაურნენ და დაგვეხმარნენ.

თეონა: ამაზე ვერც ვიოცნებებ. მაგრამ, რა თქმა უნდა, მჭირდება. ალბათ, პატარას პამპერსს ვერ ვუყიდი, სარეცხის ცივ წყალში რეცხვა კი, და თანაც ზამთარში, თავადაც იცით, რა რთულია. დედები გამიგებენ.

 „მალე უნდა შევჭამოთ ყველაფერი, თორემ მერე, ძმაც შეგვეცილება“

თეონა: არა, საიდან?.. ორ საწოლზე გვძინავს. მივმართავ თხოვნით მკითხველებს, თუ ვინმეს აქვს ეტლი ან საწოლი, რომელიც არ გჭირდებათ და შეგიძლიათ, ცოტა ხნით გვათხოვოთ, გპირდებით, უვნებელს დაგიბრუნებთ. ვიცით ნივთების მოფრთხილება. აი, გოგონები რამე გაფუჭებულ სათამაშოს რომ იპოვნიან, რომელიც არავის სჭირდება, გავრეცხავთ, შევაკეთებთ და თამაშობენ. არაფერს აფუჭებენ!

       - ახლა რომ დაგეხმარეთ, არ ნიშნავს იმას, რომ დაგივიწყებთ. ჩვენ ხომ, ჩვენიანებს არასდროს ვტოვებთ! ძალიან ვეცდებით, რომ თქვენი ხვალინდელი დღე, ჯობდეს დღევანდელს. ჩვენი ფონდის ერთგული მეგობრების წყალობით ყველაფერს შევძლებთ და თქვენს გასაჭირს გავუმკლავდებით! ყველაფერი კარგად იქნება, სანამ ღმერთი ადამიანს სხვა ადამიანების ხელით ეხმარება.

თეონა: მართალი გითხრათ, როდესაც გავიგე, რომ ორსულად ვარ, შემეშინდა. ვფიქრობდი: „როგორ შევძლებთ კიდევ ერთი ბავშვის აღზრდას?“ მაგრამ, მას შემდეგ, რაც ჩვენს პრობლემებს სრულიად უცხო ადამიანები გამოეხმაურნენ, დავმშვიდდი. უფლის შემწეობითა და თქვენი თანადგომით შევძლებ, ჩემი შვილები ფეხზე რომ დავაყენო.

***

          მეგობრებო, წინ ჯერ კიდევ გრძელი და ცივი ზამთარია. ბავშვებს არ აქვთ თბილი ფეხსაცმელი და ტანსაცმელი. არ აქვთ საჭმელი. მათ დედიკოს კი, არ აქვს სარეცხი მანქანა. ტარიელს, რომელიც გზაშია და მალე, ჩვენი უმშვენიერესი ქვეყნის, საქართველოს მოქალაქე გახდება, არ აქვს არც ეტლი, არც საწოლი, არც ტანსაცმელი. იქნებ, კიდევ ერთხელ შევძლოთ და ჩვენი ქვეყნის მომავლისთვის, დავეხმაროთ ამ უსაზღვროდ თბილ ბავშვებს.

          თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ მათთან შედარებით, ვისაც მისი ცხოვრების ყველაზე მძიმე წუთს დაეხმარეთ.

მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენს წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებგვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!

მეგობრებო, კიდევ ერთი თხოვნა გვაქვს: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გულისხმიერება გამოიჩინოთ და ამის შესახებ მოგვწეროთ ელექტრონულ მისამართზე: office-fsp@fsp.ge

         თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: ბზეკალავების ოჯახი)

         თანხის ჩარიცხვა ასევე შეგიძლიათ ჩვენი ვებგვერდის მეშვეობით: https://chernovetskyifund.ge/ru/projects/finished/918-bzekalav

თანხის ჩარიცხვა ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ იპოვეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus).

შესანიშნავი სიახლე გვაქვს: ახლა, ჩვენი ბენეფიციარების ისტორიების წაკითხვა შეგიძლიათ

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund.

        სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია!

ვიფიქროთ იმაზე, რომ შეჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!