მესიზმრება ხოლმე, როგორ გამაქვს გოლები და ხალხი ჩემს სახელს ყვირის!

მინდოდა ფეხბურთელი გამოვსულიყავი. მაგრამ, ახლა აღარ ვიცი, ვინ გამოვალ. მეგონა, რომ დავიწყებდი ფეხბურთზე სიარულს. რომ, დედიკო მიყიდიდა ბუცებს და ფორმას, და ყველაზე მაგრად ვითამაშებდი. მაგრამ, ხეზე ავედი, ჩამოვვარდი და თაბაშირი დამადეს ფეხზე.

წარმოვიდგენ ხოლმე, რომ უკვე ცნობილი ფეხბურთელი ვარ და გადამწყვეტი მატჩის დროს მივიღე ეს ტრავმა. ჟურნალისტები კი მეკითხებიან: „არ გეტკინათ, ნიკოლოზ? კიდევ აპირებთ თამაშს?" აბა, როგორ ვითამაშო, დედაჩემი ხომ ვერც ბურთს მიყიდის და ვერც ბუცებს? აი, რანაირად? ფორმაც მჭირდება. და კიდევ პლანშეტი, სხვადასხვა მატჩებს რომ ვუყურო და თამაში ვისწავლო!