ალექსი, რომელიც  ჯართს  აგროვებდა, რომ ორსული დედისთვის  საკვები  ეყიდა, ახლა  ბედნიერების რემლებით  ტირის  - ბავშვის  ოცნება  თქვენი დამსახურებით  ასრულდა, კეთილო  ადამიანებო!

გაიღიმეთ მეგობრებო! სულში ჩაიხუტეთ ალექსი! ეს ხომ თქვენ გააბედნიერეთ პატარა! და მისი ღიმილი თქვენ გეკუთვნით.

ალბათ,  ყველას  გახსოვთ ალექსი.  ბიჭი, რომელიც  ჯართს  აგროვებდა, რომ  თავისი  დედმამიშვილებისა და  ორსული დედისთვის ცოტაოდენი  საკვები  ეყიდა.  ძირებამძვრალი ფეხსაცმელით და  თხელი  მაისურით  ბიჭი ყინვაში დაჟანგებულ  რკინებს  აგროვებდა. რამდენჯერ  ხელი გაეჭრა,  რამდენჯერ  მუხლები    ,,გადაიტყავა“ ხევში ძრომიალისას.  ალექსის  ყველაზე  დიდი  ოცნება   ლეპტოპი და  ტელეფონი  იყო. მაგრამ ბავშვი ოცნებასაც კი ვერ  ბედავდა. დარწმუნებული იყო, რომ მისი  ოცნება არასდროს  ახდებოდა. და   მართლაც, როგორ შეაგროვებდა ბავშვი ფულს ჯართის ჩაბარებით?  ის  ფული ხომ ცოტაოდენი  პროდუქტების საყიდლადაც კი არ ჰყოფნიდა.  დღეს  კი, ალექსის  ოცნება  ახდა.  ბავშვი  ბედნიერების  ცრემლებით  ტირის.  შეხედეთ  მის თვალებს,  რამხელა  მადლიერებაა მათში.    მადლიერება თქვენ მიმართ, კეთილო  ადამიანებო. სწორედ  თქვენი დამსახურებით, ამ კეთილი  ბიჭის თვალებში ახლა   ,,ვარსკვლავები’’  ანთია. ეს  ემოცია, ხომ ბავშვს, მთელი მისი ცხოვრების  განმავლობაში  ემახსოვრება.   კეთილო  ადამიანებო,  თქვენ  არა მხოლოდ  ბავშვის  ოცნება  აასრულეთ,  არამედ , რაც  ყველაზე  მთავარი და რთულია, სწორედ ის შეძელით   - დასამარებული იმედი  გაუცოცხლეთ!!!   შეხედეთ  ალექსის,  ბავშვი ბედნიერებისგან ტირის და  ეს  მის  ცხოვრებაში, პირველად  მოხდა.   ეს  კი, სწორედ  თქვენი დამსახურებით არის, ფონდის მეგობრებო!