თავისი ერთიბეწო სიცოცხლის, ორი თვის განმავლობაში ანგელოზი დანიელი ყოველდღე ავადმყოფობს, დღითიდღე უფრო და უფრო სერიოზულია მისი მდგომარეობა! ღმერთო, ნუ დაუშვებ, საქართველომ კიდევ ერთი შვილი დაკარგოს! „ოღონდ დილით ბავშვებს საუზმეზე ბალახის ჭამა არ მოუწიოთ! ოღონდ ეს არა!“ — ახალგაზრდა დედა, ეთერი, თავის სამ უსაყვარლეს შვილს დასაძინებლად აწვენს და თან გულდამდუღრული ფიქრობს, სად იშოვოს საჭმელი მათთვის. ის მხოლოდ 21 წლის არის. ისეთი ლამაზია! ახალგაზრდა დედის მშვენიერი ქართული სახენელ-ნელა უფერულდება! ნეტავ, მეუღლე დღეს ფულის შოვნას თუ მოახერხებს? თუ გაუმართლებს?! იქნებ, წამლების საყიდლად იყოს საკმარისი? ახლახან სხვადასხვა ვირუსის გამო დაუძლურებულმა ჩვილმა პნევმონია გადაიტანა. ექიმებმა მკურნალობის კურსი დაუნიშნეს და მედიკამენტები გამოუწერეს. მაგრამ მის საბრალო დედას წამლების ყიდვის საშუალება არა აქვს. ნებისმიერ წუთს შეიძლება გამწვავდეს ბავშვის მდგომარეობა და ვეღარ გადაარჩინონ.