დათო პაიჭაძე ცერებრალური დამბლით დაიბადა. იგი უსინათლოა, ვერ საუბრობს, არ ესმის, ბოლო დროს კი გადაადგილებაც არ შეუძლია, საწოლს არის მიჯაჭვული და მხოლოდ სასუნთქი აპარატის მეშვეობით სუნთქავს. 

20 წლის განმავლობაში დათოს ერთადერთ იმედად რჩება დედა, რომელმაც თავისი სიცოცხლე საყვარელ ბიჭუნას შესწირა! „როგორიც არ უნდა იყოს შვილი, დედისთვის ის ყოველთვის ყველაზე ნანატრი და საყვარელი არსებაა. ვიცი, რომ ჩემი  შვილის გულისცემა შეიძლება ნებისმიერ დროს შეწყდეს... ესე იგი, ასეთია მისი ბედი, თუმცა ღმერთს ყოველთვის შევთხოვ, რომ გაუხანგრძლივოს მას სიცოცხლე, თუნდაც ერთი დღით, თუნდაც ერთი წუთით... 20 წელია ასე ვწვალობთ, მუდმივ შიშში ვარ და წუხილში, ყოველგვარი დახმარების და თანადგომის გარეშე“, - ამბობს დათოს დედა ანა. 

დიახ, ეს ახალგაზრდა ქალი ფაქტიურად მარტო ზრდის შვილს. მან დიდი სულიერი ტკივილი გადაიტანა. მისი ძალები იმდენადაა გამოფიტული, რომ უკვე სუნთქვაც უჭირს და თავს ხელებით ძლივს იკავებს. ერთადერთი ადამიანი, რომელიც ამ წლების განმავლობაში მას ეხმარებოდა, არის დათოს ბებია, რომელიც ამჟამად საავადმყოფოში წევს ფილტვების ანთებით.     

ღმერთო მაღალო, აშორე ადამიანებს ასეთი უბედურება! ძნელი წარმოსადგენი არ არის,  თუ როგორ უჭირს ამ ოჯახს, რომელსაც არც წამლის, არც პროდუქტების და არც ჰიგიენური საშუალებების ყიდვის შესაძლებლობა არ აქვს.  სიტუაცია - კატასტროფულია! 

მეგობრებო, თუ გაქვთ საშუალება, არ დატოვოთ ეს ადამიანები დახმარების და თანადგომის გარეშე, აჩუქეთ დათოს სიცოცხლე, შეუმსუბუქეთ მის დედას მძიმე ყოფა. სურვილის შემთხვევაში თანხა შეგიძლიათ გადარიცხოთ ჩვენი ფონდის ანგარიშზე GE15TB7194336080100003 ან GE64BG0000000470458000 (დანიშნულება: დათო პაიჭაძე) ან ჩარიცხოთ პირდაპირ ჩვენი საიტიდან  https://chernovetskyifund.ge/ge/projects/.

თქვენ, ასევე, შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთ ჩვენი ფონდი (გადახდის წესები იხილეთ შემდეგ მისამართზე: https://goo.gl/GY2Gus). 

სადაც არ უნდა იყო, რომელი ქვეყნის შვილიც არ უნდა იყო, ოღონდ იყავი კეთილი და სამართლიანი, რადგან შენ ხარ მომავლის ადამიანი!