გვსურს გაგახსენოთ თეთრაძეების უსაყვარლესი ოჯახი და მათი ხუთი წლის ულამაზესი ნინო, რომელიც ცეცხლის ალს სასწაულით გადაურჩა, მაგრამ მაინც მიიღო ფეხზე დამწვრობა, რომელმაც  სამუდამო ნაიარევი დაუტოვა.  კვალი,  რომლიც სამედიცინო ჩარევის გარეშე არასდროს გაქრება. https://chernovetskyifund.ge/ge/projects/finished/808-tetradze/

           მართალია, ნინოს ოპერაცია ჯერ კიდევ კითხვის ნიშნის ქვეშ არის, მაგრამ თქვენ მაინც შეძელით ის, რომ ახლა მათ სახლში ონკანიდან წყალი მოდის და აღარ უწევთ მისი გარედან ბოთლებით ზიდვა. თქვენი ერთიანობით ისიც მოახერხეთ, რომ ახლა მათ სახლში თბილა და გაზის გამათბობლის წყალობით, ცივი ზამთრის მოსვლის აღარ შეეშინდებათ.

        მონდომებას და სიკეთეს, ყოველთვის შეუძლია რაღაც მნიშვნელოვანის შეცვლა ამ სამყაროში. სწორედ ამიტომ, გთხოვთ,  ეს ამბავი თქვენს მეგობრებსაც გაუზიაროთ, რათა კვლავ შევძლოთ ამ დიდი ოჯახის დახმარება.

„ეს მე-ე... ეს შე-ე-ენ... ეს კი, ჩვენს პატარა დაიკოს. დანარჩენი, ჩვენს ძმებსაც შევუნახოთ...“

         - ახლა როგორ ხართ, ლელა? ძალიან გვაინტერესებს, თუ  როგორ შეიცვალა თქვენი ცხოვრება მას შემდეგ, რაც თქვენს შესახებ პოსტი გამოვაქვეყნეთ?

         ლელა: შეიძლება ითქვას,  რომ ჩვენი ცხოვრება გაიყო ორ ნაწილად,  თქვენს გამოჩენამდე, და თქვენი გამოჩენის შემდეგ.  თქვენს გამოჩენამდე, გვციოდა, გვშიოდა, არ გვქონდა საკმარისი ტანსაცმელი, ნინოს მალამოს ფულსაც კი ვერ ვშოულობდი, თვეში ერთხელ რომ მეყიდა, და ნაიარევზე წამესვა.  ზამთრის ძალიან გვეშინოდა და მისი მოსვლა არ გვინდოდა იმიტომ, რომ გაუსაძლისი სიცივის ატანა გვიწევდა.  ახლა, ჩვენს სახლში თბილა, ბავშვებს შეუძლიათ, სახლში ქურთუკებით აღარ ითამაშონ, ძილის დროს კი, გაიხადონ ქუდები და შარვლები.  რაც მთავარია, ჩვენი ონკანიდან წყალი მოდის, რამაც ძალიან გაგვიმარტივა ცხოვრება.  ჩვენთვის, ეს უკვე კომფორტია... არც კი ვიცი, რა სიტყვებით დაგლოცოთ, მოგეფეროთ და მოგესიყვარულოთ. მინდა გითხრათ, რომ მხოლოდ ჩემი ოჯახის სახით, თქვენ,  საქართველოში ექვსი ბავშვით მეტი გაათბეთ, დააპურეთ და გაახარეთ.           

      „იმდენი მინდა, ცამდე რომ მიწვდეს“

            - ჩვენი ფონდის მეშვეობით, ახალი მეგობრები თუ შეიძინეთ?  ყველაზე მეტად, ვინ დაგამახსოვრათ თავი, იქნებ, მათი სახელიც გახსოვთ? 

           ლელა: იცით, ძალიან გამახარა ყურადღებამ, მოკითხვამ  და თუნდაც, სიტყვიერმა გვერდში დგომამ, რამაც კიდევ ერთხელ  გამიღრმავა ის მოსაზრება, რომ ყველაფერს ფულით ვერ იყიდი... ეს, რაღაც ადამიანურია... რომელიც სხვანაირად გამდიდრებს და გაძლიერებს.  თავი განსაკუთრებით დამამახსოვრა ნანუკა  პურიჭამიაშვილმა, რომელიც გასაოცარი ადამიანია, არც ერთი თვე არ ავიწყდება,  რომ უყიდოს და მოუტანოს ჩემს ნინოს მალამო, რომელიც 100 ლარი ღირს. არც კი ვიცი, ის რომ არა, მე როგორ ვიყიდიდი ამ წამალს. სიტყვებით გადმოუცემელია, რამხელა შეღავათია ჩემთვის მისი დახმარება. აუცილებლად მინდა გავიხსენო  ლიკა (გვარს ვერ ვიხსენებ.), რომელმაც ტანსაცმელი მოუტანა ჩემს შვილებს და უზომოდ გაახარა ისინი.  ასევე, აუცილებლად მინდა,  დიდი სიყვარულით და მადლიერებით გავიხსენო მამა გიორგი, ნინოს ნათლია, რომელიც მსახურობს ადგილობრივ ეკლესიაში და ჩემი ნინო არასდროს ავიწყდება,  მან მოუტანა მალამო და ფეხსაცმელი. ხომ გესმით, სულიერი და ფიზიკური თანადგომა ახლა ჩვენთვის ყველაზე მნიშვნელოვანი არის...  მინდა, თვითოეულ თქვენგანს, ვინც წვლილი შეიტანა ჩემი ოჯახის გახარებაში, გულმხურვალე მადლობა გადაგიხადოთ. გითხრათ, რომ უიშვიათესი გული გაქვთ და საქართველო სწორედ თქვენნაირი ადამიანებით გაიხარებს...  გამრავლდით და გაიხარეთ!!!

 „ნინი, ეს რა არის? -   ეს შამპუნია, ეს კიდევ, დედამ ასე თქვა, ზამთარში სახეზე უნდა წაისვათ, რომ აღარ დაგისკდეთ კანიო“   

 „ახლა, მეც რეკლამაში გადამიღებენ“

იცი, ახლა  ულევი წყალი გვექნება და ძილის წინ, დასაბანად აღარ გამოვალთ გარეთ.

          - ადგილობრივი ხელისუფლება თუ გამოეხმაურა ჩვენს პოსტს? რაიმე სახის რეაგირება თუ მოახდინეს?

          ლელა: ძალიან მოკლედ და კონკრეტულად გეტყვით: არანაირი!  მათი პასუხია, რომ ბიუჯეტში არ არის თანხა. აღარც აინტერესებთ რას ეუბნები, მტკიცე უარი და მორჩა! ასეა, ასე... 

           - ლელა რას ნიშნავს ეს დახმარება და მხარდაჭერა პირადად თქვენთვის?

           ლელა: ჩვენთვის, ეს დახმარება ნიშნავს სახლში სითბოს,  სიმყუდროვეს, კომფორტს, სიმშვიდეს...  სიტყვები არ გამომელევა ამის გადმოსაცემად. თქვენი მოტანილი ტკბილეულით, სათამაშოებით და პროდუქტით, ძალიან გაგვიხანგრძლივეთ მშვიდი დღეები. თუმცა, მარაგი როგორც კი გამოილია, ძალიან მოიწყინეს ბავშვებმა, და მეც. ხშირად მეკითხებოდნენ: „დედა, კიდევ როდის გვექნება ამდენი საჭმელი და სასუსნავიო?“ ძალიან მოეწონათ, შეეჩვივნენ და გაუჭირდათ უარის თქმა. მაგრამ რას ვიზამთ, სამყაროში, არაფერი არსებობს ულიმიტო, თავად სამყაროს გარდა.

            - ბავშვებო, საჩუქრებიდან ყველაზე მეტად რა მოგეწონათ?

           ნინო: მე, ყველაზე ძალიან „სოსკიანი“ თოჯინა გამიხარდა. რაც მომიტანეთ, მას მერე სულ ჩემთანაა და  ხელი-ხელ ჩაკიდებულები დავდივართ, ვაჭმევ, ვაბანავებ,  სულ ჩახუტებული დამყავს და ველაპარაკები, სადაც ცეცხლია, იქ ახლოს არ მივდივართ , მეშინია ჩემი თოჯინაც რომ არ დაიწვას. 

           - ნინო შენს და-ძმებს რა მოეწონათ? 

            ნინო: ჩემს და-ძმებს,  ძალიან გაუხარდათ შოკოლადები და „პეჩენიები“. 

მ-მ-მ-მ.... კიდე ტანსაცმელები და ა-ა-ა... კიდევ სახლში რომ თბილა, ეგ გვიხარია ყველას ძალიან...           

       „ჩუმად, ჩუმად არვინ გაგვიგოს...“ 

 ნახეთ რა დევს შიგნით, დედიკომ თქვა, ეს ჩვენს სახლს გაათბობსო“

          - ლელა, იქნებ გაქვთ კიდევ რაიმე გადაუჭრელი პრობლემა, რაშიც ჩვენს ფონდს თქვენი დახმარება შეუძლია?

          ლელა: პრობლემებს რა დალევს, ჩემო კარგო,  იმდენია... მაგრამ ახლა, მათი ჩამოთვლის მერიდება კიდეც. იმის მერე, რა დახმარებაც გამიწიეთ, როგორღა ამოვიღო რამეზე ხმა.

          - ნუ გერიდებათ,  გვითხარით, გთხოვთ. ჩვენი ფონდი ხომ ამისთვის არსებობს, რომ  დაგეხმაროთ.

         ლელა: ჩვენთვის უმთავრესი და უმნიშვნელოვანესი არის საკვები პროდუქტი, თავი რომ გავიტანოთ და მშივრები არ ვიყოთ. გვჭირდება ნებისმიერი სახის ჭურჭელი, ყველაფერზე თანახმა ვარ, ვის რის საშუალებაც ექნება. ასევე, ბავშვებისთვის გამოსაცვლელი ტანისამოსი. მართალია, რაღაც ნაწილი უკვე გვაჩუქეს, მაგრამ ექვსი ბავშვი მყავს, ძალიან აქტიურები, ხშირად ეხევათ ტანსაცმელი და ფეხსაცმელი, ხშირად ისვრებიან თამაშის დროს. არ გვაქვს იმდენი სამოსი, რომ ექვსივეს ეყოს. ამის გამო, ხშირად, სკოლაში წასვლაც არ უნდათ .

           გარდა ამისა, სახლში სულ ორი საწოლი გვაქვს, და ორივე ჩატეხილია. თუ ძალიან ბევრს არ ვითხოვ, იქნებ, ნორმალური საწოლიც გვეღირსოს. ძირითადად, ეს არის ჩვენი ყოველდღიური პრობლემები  რომელსაც ერთად ვებრძვით, პატარებიც და დიდებიც. 

„დედა , სანამ კარგი საწოლი გვექნება, შეიძლება, აქ დავიძინო ხოლმე?“

                                                      *** 

          ფონდის კეთილო და უანგარო წევრებო, მათ ჟანგბადივით ესაჭიროებათ თქვენი დახმარება. წარმოიდგინეთ,  სკოლაში დახეული ფეხსაცმელით სიარული, ან ექვსი ბავშვით ჩატეხილ საწოლზე ძილი როგორია. ძალიან ამაღელვებელია, როდესაც ხედავ მათ გაჭირვებას შეგუებულ თვალებს, და არ იცი, ეს გაჭირვება მათ სადამდე მიიყვანთ. დედას არ აქვს იმის საშუალება, რომ ექვსი ბავშვი გამოკვებოს, ჩააცვას, მყარ საწოლზე დააძინოს. სწორედ ამიტომ,  ეს ოჯახი, თქვენი გაერთიანების და კეთილი ნების იმედად რჩება. 

           მეგობრებო, ეცადეთ  მიაქციოთ ამ ოჯახს ყურადღება და  ელემენტარული დახმარება გაუწიოთ მათ, ვისაც როგორ შეგიძლიათ. სიკეთე არ არის მოცემულობა, რომელიც ხან დიდია, ხან პატარა.  მთავარია, იყოს გულწრფელი და აუცილებლად აყვავდება. კვირტები ფოთლებად გადაიქცევა და  გამრავლდება.

          თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით გადაიტანეთ ყურადღება ჩვენს „ფეისბუქის“ პოსტებზე; ან უმჯობესია, ჩვენს ნებისმიერ ბენეფიციარს დაურეკოთ და უმნიშვნელოდ მოგეჩვენებათ ყველა თქვენი პრობლემა იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.

       მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

       სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!       

        მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge

თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

ჩვენი ფონდის ანგარიში:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: ლელა თეთრაძე)

თანხის ჩარიცხვა, ასევე შეგიძლიათ ჩვენი ვებ-გვერდის მეშვეობით:

https://chernovetskyifund.ge/ge/projects/finished/808-tetradze/

          თანხის ჩარიცხვა ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus).

       არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund.

      სპეციალურ ნომერზე განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია: 0901 200 270

       ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!